కవిత :- ఒక్క చుక్క నీరు
(సిరా మాటలు-కవితలు)
ఒక్క చుక్క నీరు
జీవుల కంఠములో పడితే, గొంతు తడుస్తుంది.
ఒక్క చుక్క నీరు,
కనుల నుండి జారితే, అది ఘోషవతుంది.
ఒక్క చుక్క నీరు, అవని పైన పడితే, థాత్రి సర్వం పులకరిస్తుంది.
ఒక్క చుక్క నీరు,
నుదుటి నుండి జారితే, అది శ్రమ అవుతుంది.
అది భూమికి, రైతుకి భరోసా అవుతుంది.
ఒక్క చుక్క నీరు,
సంద్రంలోని ముత్యపు చిప్పలో ఇరుక్కుంటే,
అది ముత్యమై ప్రకాశిస్తుంది.
ఒక్క చుక్క నీరు, పుష్పంపై వాలితే, అది పులకరిస్తుంది. పరిమళిస్తుంది.
ఒక్క చుక్క నీరు,
భగవంతుని దేహాన్ని చుట్టితే, అది అభిషేకమవుతుంది.
ఒక్క చుక్క నీరు,
మనిషికి మార్గమవుతుంది.
-గోదా. లిఖిత్ కుమార్.
కామెంట్లు లేవు:
కామెంట్ను పోస్ట్ చేయండి