మన అభిమాన బాలల పత్రిక మొలక న్యూస్ లో ప్రచురించిన నా ముత్యాల పూసలు (మిత్రుడు)

       ముత్యాల పూసలు (మిత్రుడు)

కవి:-లిఖిత్ కుమార్ గోదా,

ఇంటర్మీడియట్ ద్వితీయ సంవత్సరం,

బనిగండ్లపాడు గ్రామం ,ఎర్రుపాలెం మండలం, ఖమ్మం జిల్లా-507202.

_____________________

1)

అమ్మా నాన్న తరువాత

ఆలనా పాలనల ఆపద్బాంధవుడు

అన్నీ తానై తోడుండు

కుచేలునికి శ్రీకృష్ణుడు మిత్రుడు

సుగ్రీవునికి శ్రీరాముడు స్నేహితుడు

దుర్యోధనుడికి కర్ణుడు మోనిస్

మిత్రుని తోడు శ్రీరామరక్ష.

2)

విదురుడై బోధించును నీతులు

అవ్యాజమైన పేర్మిని కురిపించు

చిరునవ్వులు పంచే శ్రేయోభిలాషి

నిత్యం నీడలా తోడుండు

నిత్యం సత్యం పలుకును

చేసిన తప్పులు మన్నించు

నిజాయితీగా మెలుగును నేస్తం.

మొలక న్యూస్

టి. వేదాంత సూరి గారు

74వ రచనా ప్రచురణ 🌱🌱🌱🌱

27.08.2020

క్రింది లింక్లో ముత్యాల పూసలు చదవొచ్చు 👇👇👇

https://molakanews.page/i0A_Pp.html

ముత్యాల పూసలు ప్రక్రియలో మూడోవ వారం అంశం:- బాల కార్మిక వ్యవస్థ-చట్టం

   ముత్యాల పూసలు నూతన కవితా ప్రక్రియ

     (బాల కార్మిక వ్యవస్థ - చట్టం నిర్మూలన)

కవి:- లిఖిత్ కుమార్ గోదా

వృత్తి:- ఇంటర్మీడియట్ ద్వితీయ సంవత్సరం,మహాత్మా జ్యోతిభా ఫూలే తెలంగాణ బీసీ సంక్షేమ గురుకుల కళాశాల.

చిరునామా:- ఇంటి నెంబర్:- 1-115/3,

బనిగండ్లపాడు గ్రామం, ఎర్రుపాలెం మండలం, ఖమ్మం జిల్లా-507202.

ముత్యాల పూసలు ప్రక్రియ వాట్సాప్ గ్రూపు ద్వారా నిర్వహించిన బాల కార్మిక చట్టాలపై -అవగాహన 10 ముత్యాల పూసలు కవితలు రాసినందుకు పొందిన 

బాల సాహితి ముత్యం పురస్కారం...

0️⃣1️⃣

అవ్యాజ కన్నుల్లో కన్నీళ్లు

పసి బుగ్గలపై మసి

చిట్టి చేతులకు బొబ్బలు

దెబ్బలు దాచిన పాదాలు

కుటుంబం ఆర్థిక పరిస్థితులకై

పలక బలపం వీడి

పారలు పట్టిన పిల్లలు.

0️⃣2️⃣

బడి బాట తెలియరు

పొత్తం పరిమళం ఎరుగరు

కుటుంబ పోషణ కోసం

చిన్నవాళ్లు అయినా కానీ

పెద్ద మనసుతో నడక

మార్చాలి మనమంతా కలిసికట్టుగా

బాల కార్మిక వ్యవస్థను.

0️⃣3️⃣

తాగుతున్న నాన్నను చూసి

కన్నీరెడుతున్న అమ్మను చూడలేక

బడి బాట పట్టాల్సిన

చిన్నారి పొన్నారి బాలలు

పారా పలుగు చేపట్టి

పేదరికానికి ఎదురుగా నిలబడి

సంపాదనకై కూలీ పనులు.

0️⃣4️⃣

చిరిగిన బట్టలు మేనుపై

మాంసపు కండలు కరిగి

రక్తపు ముద్దలు అరిగి

బొబ్బలు చేరిన చేతులతో

దెబ్బలు తగిలిన పాదాలతో

దేహం స్వేదంతో తడిచి

అనాధలుగా  బాల కార్మికలు.

0️⃣5️⃣

ఆశలు ఎన్నో అణుచుకొని

బడిలో చదువులు వదులుకొని

ఇంట్లో సరదా మాపుకొని

చిట్టి కడుపుకు కూడుకై

ఇంటి బాధ్యత తీసుకొని

ఇల్లు కర్మాగారాలు పొలాలు

వైపు అడుగులు చూపి

కష్టాలు కొలిమిలో మొగ్గలు.

0️⃣6️⃣

ప్రభుత్వం ముందడుగు వేయాలి

బాల కార్మిక నిర్మూలనకై

కనబడిన బాల కార్మికులను

అనాధలుగా మిగిలిన బాలల్ని

పాఠశాలకు దారి చూపి

ఆసరాగా అండగా నిలిచి

సమాజాన్ని రూపు మాపాలి.

0️⃣7️⃣

బాల కార్మిక వ్యవస్థను

నిర్మూలించడానికి నేడు మనం

ముక్కు పచ్చలారని పసివాళ్ళను

పనులు బాట మాన్పి

బడుల బాట పట్టించాలి

చేయూత ఇచ్చి మనమే 

చిట్టి మనసుల నవ్వులు

కనులారా చూసి తరించాలి.

0️⃣8️⃣

జనులలో ఆలోచన రావాలి

మానవత్వం మనిషిలో పరిమళించాలి

కనిపించిన బాల కార్మికులను

వివక్ష వీడి ప్రజలు

సాటి మనిషిలా చూసి

కన్న బిడ్డల్లా తలచి

కొండంత అండగా నిలవాలి.

0️⃣9️⃣

పలుకు పారా వీడాలి

పలకా బలపం పట్టాలి

పొత్తంలో పాఠాలు చదివి

విద్య విలువ ఎరిగి

చదువు సంధ్యలో మునిగి

తోటివారితో నెయ్యం పెరిగి

ఉన్నత శిఖరాలు ఎక్కాలి ‌.

‌

🔟

తలపై మోయలేని బరువులు

కన్నుల్లో కన్నీళ్లు ధారలు

అలసి సొలసిన దేహంతో

సిమెంట్తో ఒళ్ళు తడుపుకుని

కాలుతున్న కాళ్ళ నడకలు

కోరికలు చంపుకుంటున్న బాల

కార్మిక వ్యవస్థను నిర్మూలించాలి.

ముత్యాల పూసలు నూతన కవితా ప్రక్రియలో భాగంగా గృహహింస చట్టం పై అవగాహన కవితలు

ముత్యాల పూసలు నూతన కవితా ప్రక్రియ

రూపకర్త:- ఆత్రం మోతిరాం

కవి-లిఖిత్ కుమార్ గోదా ఇంటర్మీడియట్ ద్వితీయ సంవత్సరం మహాత్మా జ్యోతిభా ఫూలే తెలంగాణ బీసీ సంక్షేమ గురుకుల కళాశాల బోనకల్ ఖమ్మం జిల్లా తెలంగాణ రాష్ట్రం-507204.

నివాసం:-బనిగండ్లపాడు గ్రామం, ఎర్రుపాలెం మండలం, ఖమ్మం జిల్లా-507202.

----------

1)

అమ్మలా చూడాలి భార్యని

గౌరవించాలి ప్రతి ఇల్లు

అతివల శ్రేయస్సు ముద్దని

గృహహింసలు అసలే కద్దని

అంటూ సాగితే ప్రతి

ఇల్లు అవుతుంది స్వర్గం

ఆనందాలు వెలిసే దేవాలయం.

2)

ఇల్లాలి శోకం ఇంటికి 

తెస్తుంది చేటు సత్యం 

గృహ హింస జరిగితే 

ఉపేక్షించదు భారత ప్రభుత్వం

ఇల్లాలి నవ్వులు తెచ్చును

ఇంటికి హరివిల్లుల సంబరం

ఇంటికి దీపం ఇల్లాలు.

3)

బోనులో బంధించిన జీవియై

పడతి శోకాల సంద్రంలో

సంకెళ్ళు చేతికి వేసుకొని

ఇక్కట్ల క్షోభ అనుభవిస్తే

చెల్లించాలి భారీ మూల్యం

ప్రతి కుటుంబ సభ్యుడు

ఇంటికి వెలుగు పడతి.

4)

పట్టీల సవ్వడితో పండుగలను

గాజుల రవళితో చందమామలా

ఇంటిని ఆనందంగా నిలిపే

అతివని అల్లరి చేస్తే

అమ్మ నాన్నలై తోడు ఉండాల్సిన

అత్తమామలే క్షోభ పెడితే

ప్రభుత్వ చట్టమే అండ.

గృహహింస- చట్టం పై అవగాహన భాగంలో ముత్యాల పూసలు ప్రక్రియలో 10 కవితలు రాసినందుకు పొందిన"చైతన్య ముత్యం"పురస్కారం..

5)

కార్చీకట్లో గదిలో సంసారం

తాగుబోతుల తారకులు మ(మృ)గాళ్ళు

సిగరెట్ల వాతలు అనుభవిస్తే

తాగి తందనాలు ఆడితే

తీరిక లేకుండా దండిస్తుంటే

తిట్ల దండకాలు క్షోభపెడితే

కాలుమోపు చట్టం వైపు.

6)

ఇంట్లో పతియే యముడయ్యి

ఇంటి నరకంగా మార్చి

అనునిత్యం సూటిపోటి మాటలతో

తాగి తందనాలు ఆడుతూ

పడతిని గుచ్చిగుచ్చి వేధిస్తే

గురుడికి తప్పదు చిప్పకూడు

జైలు అతనికి గూడు.

7)

చట్టానికి విరుద్ధంగా మారి

కట్నాల కష్టాలు పెట్టి

కన్నీళ్లతో ముఖాన్ని తడిపి

కలహాలతో మనసును నలిపి

మానసిక క్షోభకు గురిచేస్తే

ఆడది చట్టంకై నడిస్తే

మగాడికి తప్పవు కొరడాదెబ్బలు.

8)

అవ్యాజము తన ప్రేమ

అసమానం తన కష్టం

ఆప్యాయత అనురాగం ప్రేమ

అత్తమామలను చేయును నిత్యం

అమ్మ లాగా లాలన

నాన్న లాగా పాలన

గృహహింసలు తెచ్చిన చేటు.

9)

యత్ర నార్యంతు పూజ్యంతే

రమంతే తత్ర దేవత

అన్న సూక్తిని మరిచి

అవధులు దాటి హేళనచేస్తూ

సూది లాంటి మాటలు

దెబ్బలు కొట్టి వేధించడం

తగునా నీకు మగాడా?

10)

గొళ్లాల చాటున రోదన 

ఇల్లాలు ఇక్కట్లు పడుతుంటే

అమ్మ లాంటి అతివలను

అవధులు దాటి అల్లరిపరిస్తే

సహనం కోల్పోయి భార్య

సంసారం బాగు కోసం

చట్టం వైపు నడకలు

ముత్యాల పూసలు నూతన కవితా ప్రక్రియలో

💎💎 💎💎💎💎ముత్యాల పూసలు నూతన కవితా ప్రక్రియ💎💎💎💎💎💎

రూపకర్త:- ఆత్రం మోతిరాం

ఈ వారం అంశం:-ప్రగతికి మెట్టు-చెట్టు నాటు

కవి:- లిఖిత్ కుమార్ గోదా

ఇంటర్మీడియట్ ద్వితీయ సంవత్సరం, మహాత్మా జ్యోతిభా ఫూలే తెలంగాణ బీసీ సంక్షేమ గురుకుల కళాశాల, బోనకల్, ఖమ్మం జిల్లా, తెలంగాణ రాష్ట్రం-507204.

🌸🌸🌸🌸🌸🌸🌸🌸

1) 

ప్రగతికి చెట్టే మెట్టు,

మొక్క నాటితే పుణ్యం,

తను(రు)వు పొందును ధన్యం,

సకలసంపదలు కల్పంచే,

చెట్టు మనిషికి మిత్రుడు,

చెట్టు నాటితే విలాసం,

తరువు నరికితే విలాపం.

🌺🌺🌺🌺🌺🌺🌺🌺

2)

ఆరంభం కావాలి హరితహారం

ఇంటి పెరడు నుండి

ఇరువైపుల రోడ్లు వరకు

మొక్కలు నాటాలి అందరం

చెట్లను కాపాడాలి నిరంతరం

మహికి తరువులే ఆభరణం

తలపెట్టాలి చిప్కో ఉద్యమం.

💎💎💎💎💎💎💎💎

3)

ఉద్యమించి నాటాలి మొక్కలు

కంటికి రెప్పలా కాపాడాలి

మనిషికి లేనిది పరోపకారం

చెట్లకు ఉందా లక్షణం

ఆచరణ చేస్తే ముద్దు

ప్రచారములు అసలేం వద్దు

హరితహారం ప్రగతికి హారం.

🌻🌻🌻🌻🌻🌻🌻🌻

4)

మనిషి పాలిట కామధేనువై

పక్షుల పాలిట గూడై

జంతువుల పాలిట ఓగిరమై

విశ్వం పాలిట సైన్యమై

కాలుష్యం పాలిట శత్రువై

అనునిత్యం అన్నింటికీ అవసరమై

చెట్టు తల్లి కల్పవల్లి.

🌱🌱🌱🌱🌱🌱🌱🌱

5)

త్యాగానికి చిరునామా తరువు

సోచిస్తే తరువు గురువు

మోస్తున్నాయి ప్రపంచపు బరువు

చెట్టు ఇంటికి పరువు

బాపును ఆకలి కరువు

రైతులకు ఇచ్చును ఎరువు

వృక్షం జగతికి నేస్తం.

☀️☀️☀️☀️☀️☀️☀️☀️

6)

వృక్షం రైతులకు నేస్తం

పంటకి ఎరువును కల్పించు

పాడి పశువులకు నీడగా

ఇంటి నిర్మాణంలో కలపగా

పిల్లలను ఆడించే మిత్రుడిగా

పండుగకు పచ్చ తోరణంగా

వృక్షం సమస్తానికి రక్ష.

🌾🌾🌾🌾🌾🌾🌾🌾

7)

తేనెటీగలు తేనెపట్టు పెట్టడానికి

పక్షులు గూళ్ళు కట్టుకోవడానికి

జంతువులు సేద తీరడానికి

మనిషి ఇళ్ళు నిర్మించుకోవడానికి

చేతులు చాచి ఆహ్వానించు

ఆహ్లాదకరమైన వాతావరణం సమకూర్చు

పరోపకారానికి చిరునామా తరువు.

🌳🌳🌳🌳🌳🌳🌳🌳🌳

వారం వారం ముత్యాల హారం ఈ వారం (జులై 26-ఆగష్టు 02) అంశం :-ప్రగతికి మెట్టు-చెట్టు నాటు. పై ముత్యాల పూసలు ప్రక్రియలో 10 కవితలు రాసినందుకు పొందిన "పద ముత్యం" పురస్కారం.

8)

వనజీవిగా మారాలి అందరం

మొక్క నాటి మనిషి

ప్రకృతి ప్రేమికుడు కావాలి

మొక్క నుండి మహావృక్షంగా

మహావృక్షం నుండి మహారణ్యాలుగా

నేలమ్మను తీర్చిదిద్దాలి మనమందరం

వృక్షాలు జీవకోటికి బంధువులు.

🍀🍀🍀🍀🍀🍀🍀🍀🍀

9)

చెట్లు జీవిస్తే రామరాజ్యం

లేకుంటే వినాశనానికి ఆజ్యం

ప్రేమిస్తే చెట్టును నిత్యం

అమ్మలా ఆదరించును సత్యం

ప్రపంచానికి చెట్లే అభిఖ్యం

విలువలు తెలిసిన ప్రద్న్యం

చెట్టు ప్రగతికి మెట్టు.

🌈🌈🌈🌈🌈🌈🌈🌈🌈

10)

ఇంటి చుట్టూ పెంచాలి

పాఠశాలలో మొక్కలు నాటాలి

పిల్లలు నుంచి పెద్దలు

చెట్లను స్నేహితునిగా భావించాలి

మొక్క నాటడం లక్ష్యంగా

చెట్లు పెంచడమే కర్తవ్యంగా

ప్రకృతికి మేలు చేయాలి.

🕊️🕊️🕊️🕊️🕊️🕊️🕊️🕊️🕊️

11)

ప్రతి ఇంటి ఆభరణం

అంతులేని సంపదకు నిలయం

నిత్యం కాలుష్యంతో సమరం

సమస్త జీవకోటికి పరోపకారి

సకల సంపదలిచ్చే ప్రజోపకారి

చెట్టు లేని చోట

ఎడారి బ్రతుకుల తోట.

🌏🌏🌏🌏🌏🌏🌏🌏

11)

ప్రతి ఇంటి ఆభరణం

అంతులేని సంపదకు నిలయం

నిత్యం కాలుష్యంతో సమరం

సమస్త జీవకోటికి పరోపకారి

సకల సంపదలిచ్చే ప్రజోపకారి

చెట్టు లేని చోట

ఎడారి బ్రతుకుల తోట.

🌏🌏🌏🌏🌏🌏🌏🌏

ఈ కరోనా రోజుల్లో పొందిన కొన్ని సర్టిఫికెట్లు 👇👇