సిరా మాటలు కవితలు-6

నేస్తమా..నా ప్రియ వరమా..👬👬👬

నేనంటే వాడికి ప్రాణం

నా కోసం పరులతో చేస్తాడు రణం.,

పిచ్చిపాటి ఆలోచనలతో,

నా హృదయం సతమతమైనప్పుడు

అతడు శ్రీకృష్ణుడై నాకు గీతను బోధిస్తాడు.

ఆపదల్లో,అవమానాల్లో

కర్ణుడిలా బ్రతుకుతున్న నాకు

దుర్యోధనుడిలా ఆశ్రయాన్ని కల్పిస్తాడు.

నా కోసం వీలైతే

జటాయువులా మరణిస్తాడు.

లేదా సుగ్రీవుడిలా ఒంటరనైనపుడు

నాకు అపాయం తలపెట్టిన

వాలీని రాముడిలా వధిస్తాడు.

కుచేలుడిలా దరిద్రాన్ని వెంటబెట్టుకునుంటే

అడగకుండానే కృష్ణుడిలా

సకలసంపదలు కల్పిస్తాడు.

సదా నా ఉన్నతినే ఆకాంక్షిస్తాడు

నా తల్లిదండ్రుల తరువాత

నేను బాగుండాలని ఆశించే 

నా శ్రేయోభిలాషి...