☝️☝️దోహాలు☝️☝️
రచన:- లిఖిత్ కుమార్ గోదా
||తెలుగు దోహాలు||
÷÷÷÷÷÷÷÷÷÷÷÷÷
*
మమతపంచు 'సత్య'సూక్తే,తలచ మృధువైన ముంజ|
తాగుబోతు నోటిమాటే,బురదలొ పాతిన గుంజ||
*
గెలుపు లభించకుందంటే,'సత్యము' సాధన కొరత|
అంతర్బాహ్య శక్తులతో,పెనగకుంటె అస్థిరత||
*
దాపురించిన పరిస్థితే,సాహసాల జాబిల్లి|
'సత్య'!సందివ్వక కొడితే,తిరగబడునులే పిల్లి||
*
'సత్య'!ఆపత్కాలమునే,ఆలోచన లుదయించు|
దాలిన కాగని పాలలో,ఎట్లు వెన్న జనియించు||
*
తలచినకొద్ది 'సత్య'మిదే,మది కంపించే తీగ|
తోలినకొద్ది వాలునులే,'చింతే' తొలగని ఈగ||
*
'సత్య'!తృప్తినీని పనులే,వీడుట మేలగు రోసి|
కష్టము తప్ప నిష్ఫలమే,గుట్టకు కట్టెలు మోసి||
*
ఆశించక ఫలితాలనే,పనిచేయగ తలపెట్టు|
'సత్యము'చేయు సాధనయే,కీర్తి గుడికి తొలిమెట్టు||
÷÷÷÷÷÷÷÷÷÷÷÷÷÷÷÷÷÷÷
#తెలుగుదోహా నియమాలు:
~~~~~~~~~~~~~~~
*దోహాలు రెండుపాదాలను కలిగి ఉంటాయి.ప్రతిపాదాన్ని రెండు భాగాలుగా విడగొట్టవచ్చు..
*ప్రతిపాదం తొలి అర్థభాగం 13 మాత్రలు కలిగి,పదమూడవ మాత్రాక్షరం గురువు(దీర్ఘాక్షరం)అయ్యుండాలి.
*ప్రతిపాదం రెండవ అర్థభాగం 11మాత్రలు కలిగి,పదకొండవ మాత్రాక్షరం లఘువు(హ్రస్వాక్షరం)అయ్యుండాలి.
*ఏ పాదంలోని ఏ అర్థభాగమైనా ఐదు మాత్రలతోను,'జ'గణం(IUI)తోను మొదలు కాకూడదు.
*ప్రతిపాదం చివర అంత్యప్రాసను రూపొందించాలి
*తఖల్లుస్(నామముద్ర)ప్రయోగించవచ్చు
*దోహాలు ముక్తకాలు.దేనికదే స్వతంత్రభావాన్ని కలిగి ఉంటుంది.
*దోహాలకు శీర్షిక ఉండదు.
@@@@@@@@@@@@
🌿విడువక చదివిన పొత్తమే, ఎదలో నిలుపును శాంతి|
పొత్తము విడిచిన చేరులే, మదిలో తెలియని భ్రాంతి||(01)
🌿 అధిరోహించిగ శిఖరమే,మనిషికి కీర్తి వచ్చును!
లిఖిత్ కూర్చోకు ఒట్టిగా, విప్పలేవుగ ఉచ్చును!!(02)
🌿ఘోర తపస్సు చేసిననూ,ఖలుడు వీడడు కుటిలము!
క్షీరము కలిసిన సలిలమును, విడదీయుటే జటిలము!!(03)
🌿శూలము పర దేహములకే, మిక్కిలి పెరిగిన గోరు!
శల్యమగును పరులెదలకే, "లిఖి"అదుపు లేని నోరు!!(04)
🌿వింటే సజ్జన పలుకులే,దరిచేరదుగా క్షోభ!
విని చూడు గురువు మాటలే,"లిఖిత్" జీవితమె శోభ!(05)
🌿ఖలుని ఎంతగ తిట్టిననూ,బాధ పెట్టవు చివాట్లు!
కొడితేనేమి శునకమునే, మార్చదు తన అలవాట్లు!(06)
🌿సన్మానాలనాశించే ,రాయకు లిఖిత్ కవితలు!
తెలుసుకుంటే సత్యములే,రాసినవగును తవికలు!!(07)
Trishul Samacharam daily Published
(27/10/2020)
✍️ లిఖిత్ కుమార్ గోదా.,
ఇంటర్మీడియట్ ద్వితీయ సంవత్సరం.
కామెంట్‌లు లేవు:
కామెంట్‌ను పోస్ట్ చేయండి