(బాల భారతం పత్రిక
జూన్ 2017)
వేసవి సెలవులకి రాహుల్, దివ్య వాళ్ళ అమ్మమ్మ ఇంటికి వచ్చారు. వాళ్లకి పల్లెటూరు వాతావరణం అంటే ఇష్టం. వెంట తెచ్చుకున్న కెమెరాతో నచ్చిన దృశ్యాల్ని ఫోటోలు తీసేవారు. ఒకరోజు ఓ చెట్టు కింద చేరి పెంపుడు కుక్క లక్కీ తో కలిసి బోలెడు ఫోటోలు దిగారు.
ఆలోగా ఓ రైతు ఇంట్లో దూరిన రెండు కోతుల్ని రైతు రాళ్లు పెట్టి తరిమాడు. ఓ రాయి బలంగా వెళ్లి ఒక కోతి కాలికి తగిలి గాయమైంది. రెండో కోతికి ఏం చేయాలో తోచక రాహుల్, దివ్య దగ్గరకు వచ్చింది. తెలివిగా వాళ్ల దగ్గర ఉన్న కెమెరాను లాక్కొని చెట్టెక్కేసింది. ఆ కెమెరా కోసం వాళ్ళు దాని వెంటపడ్డారు. కోతి చెట్టు దిగి పరుగు అందుకుంది.అది సరాసరి కదలలేక పోతున్నది కోతిని సమీపించి కీచుకీచుమని దాని చుట్టూ తిరుగుతోంది. పడి ఉన్న కోతికి ఏదో అయిందని, తన భాషలో తెలియజేస్తుందని రాహుల్, దివ్యకి అర్థమైంది. దివ్య తన దగ్గర ఉన్న రుమాలు తీసి గాయానికి కట్టింది. తరువాత ఆసుపత్రికి తీసుకెళ్ళి కట్టుకట్టించారు. రెండో కోతి ఆనందంతో గంతులు వేస్తూ వాళ్ళ కెమెరాని వాళ్ళకి అందించింది. ఒక మూగ జీవి ని కాపాడామనే సంతృప్తితో ఇద్దరు ఇల్లు చేరారు.
కామెంట్‌లు లేవు:
కామెంట్‌ను పోస్ట్ చేయండి